قصيدة الشاعر ناصر القحطاني بقبيلة شمر...

شمر

الشمس غابت وكل دور سراجه =
والشوق جمَر.. ما أحر الشوق لا جمر
دام اتجاهك شمال مودعك حاجه =
سلم على حائل وسلم على شـمــــــــر
قدامك الخافق اللي ينشد علاجه =
كنه معلق على برزان ومسمــــــــــــر
وأنت تعرف يا بعد حيي من تواجه =
بيضان الأفعال لا من الزمن سمـــــر
إن ضاقوا اعنف من البحر ومن أمواجه =
وان راقوا أركد من الخرمان لا عمر
كم صيت بيتِ عتق في الباب مزلاجه =
وكم شيخ أماره قبل تعيينه مومر
وكم حاتميِِ تكفي فلة احجاجه =
وشلون للضيف لو عن ساعده شمر
وان مر تاريخهم متلبسِ تاجه =
كم عاشقِ كيف وكم حاسدِ زمر
في جوِ اغلى على الرجلي إلى داجه =
من ديرة السادس ومن ديرة معمر
كنه الى أهدى له البراق ثجاجه =
طلة غرير ضحك ومن الخجل حمر
توارثوا حرثه وتمتير ديباجه =
ركابة الجيب من ركابه الضمر
الود لا غرس بدري صعب مخراجه =
والله ولا ألذ وأحلى منه لا ثمر
ادخل على اللي تطوف البيت حجاجه=
من ناقصِ عند مدح الغير يتذمر
والمدح لو كان في الرديان للصاجه =
ويقال : " عمّر بلد" بلعون ما عمر
والذم لو زاد في الطيب تولاجه =
لا احرق ولا اغرق ولا عمر ولا دمر
ما نيب متحسف بشعري على حاجه =
إلا أني أروح ما غنيت في شمر

كل الشكر للشاعر/ ناصر القحطاني